ಪುನರ್ಚಿತ್ ಬೀಜ ಸಂಗ್ರಹದಲ್ಲಿ 29 ವಿವಿಧ ಬಗೆಯ ತರಕಾರಿ ಬೀಜಗಳು, 11 ಬಗೆಯ ದ್ವಿ-ದಳ ಧಾನ್ಯಗಳು ಮತ್ತು ಎಣ್ಣೆ ಬೀಜಗಳಿವೆ. ಬೀಜಗಳ ವಾಣಿಜ್ಯ ಮಾರಾಟವನ್ನು ಪರಿಗಣಿಸಿಲ್ಲ. ನಾಗವಳ್ಳಿಯ ಮಕ್ಕಳು ಬೀಜ ಉಳಿಸುವ ಕೆಲಸ ಮಾಡುತ್ತಿದ್ದು, ಪ್ರೋತ್ಸಾಹಿಸಲಾಗುತ್ತಿದೆ.

ಮಕ್ಕಳಿಗೆ ಸೃಜನಾತ್ಮಕವಾದ ಚಟುವಟಿಕೆಗಳು, ಆಟಗಳು, ಕರಕೌಶಲ್ಯ ಮತ್ತು ಚಿತ್ರ ಕಲೆಯ ಮೂಲಕ ಕಲಿಸಲಾಗುತ್ತಿದೆ. ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಹೊರಗಿನ ಸಂಪನ್ಮೂಲ ವ್ಯಕ್ತಿಗಳನ್ನು ಕರೆಸಿ ನಾಟಕ ಮತ್ತು ಚಿತ್ರಕಲೆ ಮೂಲಕ ಶಿಬಿರವನ್ನು ನಡೆಸಲಾಗುತ್ತದೆ.

ಸಮಗ್ರ ಕಲಿಕಾ ಕಾರ್ಯಕ್ರಮದ ಮೂಲಕ ಏಳು (೦೭) ತಿಂಗಳ ತರಬೇತಿಯನ್ನು ನೀಡಲಾಗುತ್ತಿದೆ (ತಿಂಗಳಲ್ಲಿ ೧೦ ದಿನಗಳು), ಈ ತರಬೇತಿಯಲ್ಲಿ ಗ್ರಾಮೀಣ ಯುವಜನರು ಅರ್ಥಪೂರ್ಣ ಜೀವನ ನಡೆಸುವುದು ಹೇಗೆ ಎಂಬ ವಿಷಯವನ್ನು ಕೇಂದ್ರಿಕರಿಸಲಾಗುತ್ತಿದೆ.

ಸಂಶೋಧನಾ ಕಾರ್ಯಕ್ರಮಗಳಲ್ಲಿ ಚಾಮರಾಜನಗರ ಜಿಲ್ಲೆಯ ಬರಗಾಲ ಪರಿಸ್ಥಿತಿಯ ಅಧ್ಯಯನ ಮುಂದುವರಿದಿದ್ದು, ಪಾಳುಬಿದ್ದ ಭೂಮಿ ಕುರಿತ ಲೇಖನದ ಮೂಲಕ ಉಳುಮೆ ಮಾಡದ ಭೂಮಿಯ ಬೆಳವಣಿಗೆಯನ್ನು ಗುರುತಿಸುವುದು ಮತ್ತು ಯುವಜನರಿಗೆಸಾಮಾಜಿಕ ವಿಷಯಗಳ ಬೋಧನೆಯ ಕೈಪಿಡಿ ಸಿದ್ಧಪಡಿಸಲಾಗುತ್ತಿದೆ.

ಸಮಗ್ರ ಕಲಿಕಾ ಕಾರ್ಯಕ್ರಮದ ತರಬೇತಿಯನ್ನು ಪಡೆದ ಹಳೆಯ ಸದಸ್ಯರು ಸಂಪರ್ಕ ಜಾಲದ ಮೂಲಕ ಸಂಘಟನೆಯಾಗಿದ್ದಾರೆ. ಸಹಕಾರ ಮಾದರಿಯಲ್ಲಿ ಉತ್ಪನ್ನಗಳಿಗೆ ನೆರವು ಒದಗಿಸುವ ಪ್ರಕ್ರಿಯೆ ಪ್ರಾರಂಭವಾಗಿದೆ. ಜೊತೆಗೆ ವ್ಯವಸಾಯ ಕ್ಷೇತ್ರದಲ್ಲಿ ಪರಸ್ಪರ ಕೆಲಸಗಳಲ್ಲಿ ನೆರವಾಗುವುದು (ಮುಯ್ಯಿ ಆಳು ಮತ್ತು ಬೀಜ ಹಂಚಿಕೆ). ತಮ್ಮಲ್ಲಿ ಬೆಳೆದ ವ್ಯವಾಸಯ ಉತ್ಪನ್ನಗಳನ್ನು ಮೌಲ್ಯವರ್ಧನೆ ಮಾಡುವುದು.